Accueil > Plan du site  > Dictons picards > Textes d'auteurs > La légende de la croix qui corne > Enseignes picardes

                             ____________________________________

L'agence pour la langue picarde nous présente ses voeux:

Ed braire, té croés qu' ch'est miux

(et pleurer, tu crois que c'est mieux)

Cette phrase traduit bien le comportement du Picard répondant à son interlocuteur en train de geindre.

Richesses en Somme ajoute cet alexandrin:

"Ane sért à rien d'es plainde, tu n'avanches point pu vite"

                         Avértichemint d’chu gouvérnémint ! 

                                     ALERTE    CORONAVIRUS 

             AVIS :                          Rapport à chu coronavirus, 

1- Pour vo défenne pis défenne z’z’eutes, i feut  RESTEU A VO  MOESON. 

2- I n’feut point alleu ranseu tout partout, érmis si o z’aveu  rimpli un mot d’billet aveuc eune pieute crouox dins un piot carré ( eune seule crouox!)

        j’m’in vo   -butcheu  ( n’oblieu point chu certificat d’vo patron!)

                             - acateu quique chose à mingeu

                             - foaire wardeu chés piots

                             - donneu un molé d’éyude à mes viux gins

                             - vir éch métecin  ( Soin ! Seulemint si o n’aveu point pétchè chu meudit bétail vrimeux!)

            N’oblieu point d’noteu à quélle heure o z’aveu tchittè vo moéson ! 

           D’tous sins, i feut

-resteu à un mète éd chés gins

-laveu vos mains tous les heures aveuc do’ ieu pis du savlon ( vu qu’i n’y o point d’gel alcoolique)

- tousseu pis éternueu dins vo tcheute o bién dins un mouchouér éd papieu pis l’l’é jteu apreu dins un saclet sprés

-salueu chés gins sans leu sarreu leus mains pis leu foaire des bés.

             Pour chétleu qu’il ont leu comprintichouér un molé freumè, o poveu appleu à chu liméro                                            0 800 130 000

                                       ( i n’a rien à poéyeu!)

Texte traduit par Edwige Fontaine, présidente des Picardisants du Ponthieu et du Vimeu

J-Luc Vigneux

17-3-2020

Chonq

(lu à la séance des « picardisants du Ponthieu et du Vimeu, le 14-12-2005)

Yé n'a point pour longtemps, chonq minutes seulmint ! Ch'étouot chonq lignes ou bien chonq pages. I fallouo coésir: chonq lignes, ch'est point gramint, chonq pages, ch'est d' trop, j'ai coési au mitan, j'ai foait chonq paragraphes pour un piot mot d' chonq léttes, qui pour un coup, ch'est point du brin!

Innui, o sommes el quatore du mouos, épi j' su triste : o né r'verrons pu jamoais inne énnée commeu aveuc ses trouos pieutes syllabes : deux mil chonq, intindeu vous comm' a claque ! Y'éra bien l'énnée tchivient deux mil six, épi apreu deux mil sépt, jusqu'à deux mil tchinze, deux mil vingt, coère deux mil trénte, mais inne énnée qu'a s'términe per chonq aveuc trouos syllabes, i feudra atténne trois mil chonq…metavis qui y'éra pu grand monne ichi pour el vir ! ! A s' dira ti coère : chonq ! I sairont ti seulmint éch qué cha veut dire chonq, chés nasus, din mille ans?

Chonq : j'ainme bien ch' chiffe leu, d'abord ch'est du picard, du vrai, ch' mot leu, i l'est quasimint din tous chés dictionnéres, équ cha fuche Daire, Corblet ou bien Vasseur, Edouard David, tchot Doère i sin sert étou. Ech mot leu, i claque comme un coup d' cachouère, comme inne cloque à l' volèe au clotcheu d' l'église ed Feutchéres, i claque comme éch' coup d' pétoère d'un cacheu malapatte, ou coère pour foaire pu simpe, comme un pét àu tchu d'un beudet.

Ecméche par té lveu un jour à chonq heures, ach boin temps, quant éch solé i pointe sin musieu derrière cho hailles épi qu'ech vint d'amont i vient afflateu chés blés qui s' déssaqu'nt ed cho térre qua lé coère froède, chonq heures du matin: éch' monne i l'est à ti, ch'est comme si tu vivrouos inne jornée ed puss.

Arrive chonq heures dermontèe: ch'est l' momint dé rchiné, té leu assis

aveuc tin pain beurre épi tin vérre ed cite ou bien inne tasse ed cafè: ch'est

ti point l' bonheur ! Tu t'érposes chonq minutes, tu rbaies ch' ciél, chés

nuages, chés piots moénieux. Un qui passe audsus d'ét caouette, il étouot moins

chonq équ' tu fuches aspérgè d'un étron, tu l'as écappé bélle! Pour éte rassureu,

tu passe ét' main din tés cveux. Tu rbaies tes mains, tu rbaies tes pieuds, tu

comptes tes douots, un, deux, trouos, quate, chonq, qu'a fuche tes mains ou tes

pieuds, à gueuche comme à droète, t'arrive tours à chonq ! Qué bieu chiffe! Nos

politiques i devroait' té rbayeu leus mains pu souvint, putot qué d' leu

tracheu chipouille pour des bibusries !

Mets tous chés chiffes dsu un papieu ch'est l' seul chiffe où qu' t'as

des traits drouots pi des ronds, rbaie lé bien no "chonq": i l'est

foait ed deux piots traits pérpinditchulères, aveuc un mitan d' rond pour

foaire es panche, i l'est ti point rétu? Rétu, mais fiér, personne éne veut

rimeu aveuc ti aveuc tes chonq léttes in

intieu. J'én jue point, mais j'vas mi mette, épi j' vas jueu l' chonq, ej su

seur ed gagneu, épi j' vas tout rafleu. J'éne monte pu chés escalieus quate à

quate, jé zé monte chonq per chonq, pour alleu pu vite. M'aveu vous rchu chonq

sur chonq?

Ch'est chonq minutes i sont passèes, mes chonq paragraphes i sont lues,

achteur, éj peux vo dire chés chonq léttes….mérci                     AG

L’amour pi la Djérre

A ti du sins innui ed vouloér foaire la djérre 

Apreu tout ch’ qué j’ai vu, pi tout ch’ qué j’ ai apprins
A d’où qui s’sont  lanchés chés héros d’ papieu d’ vérre 

Apreu avoèr esmè la haine, pi la misère

Aussi dure fut la djérre, la vie a r’prins sin cours
Est gravè din no tétes pour el restant d’ nos jours 

O  n’oublirons jamoés toutes chés atrocitès 

Queuchmare d’un éfant qu’ej wardrai tout’té m’vie 

Point inne fleur qu’a s’ déssaque ed chés camps ravagès
Bleuets, pi mahons n' sont point leu d'erfleurir
Achteur j’ai comprins  tout ch’ qui no rest’ à foaire
Ene compteu point dsu mi si o r’quémincheu d’main

Ya tout ch’ qu’oz ont apprins din les doux ziux d’ chés fémmes
Ni cho térre, ni cho ieu, n’y canjrons jamoais rien 

L’amour a li tout seul est bien pu fort qu’ech fu
Ech vint dévnu mawais n’ fra pu jamoais d’échu

Pour qué raison qu’ j’irouo offrir em jeunésse 

Alors qu’éch bonheur, i l’est leu tout preu d’ mi 

Ej sus leu pour t’aimer pi j’ veux t’aimé tout l’ temps 

In méme temps qu’éch solé i s’ lève à l’horizon 

  Texte de Bernard Dimey, chanté par Aznavour

Pourquoi donc irais-je encore à la guerre

Après ce que j'ai vu, avec ce que je sais ? 

Où sont-ils à présent les héros de naguère ?

Ils sont allés trop loin chercher la vérité
Quel que soit le printemps, les cigognes reviennent 

Que de fois, le cœur gros, je les ai vues passer 

Elles berçaient pour moi des rêveries anciennes 

Illusions d'un enfant dont il n'est rien resté

Toutes les fleurs sont mortes aux fusils de nos pères 

Bleuets, coquelicots, d'un jardin dévasté 

J'ai compris maintenant ce qu'il me reste à faire 

Ne comptez pas sur moi, si vous recommencez
Tout ce que l'on apprend dans le regard des femmes

Ni le feu, ni le fer n'y pourront jamais rien 

Car l'amour - et lui seul - survit parmi les flammes

Je ferai ce qu'il faut pour défendre le mien
Pourquoi donc irais-je offrir ma jeunesse
Alors que le bonheur est peut-être à deux pas ?
Je suis là pour t'aimer, je veux t'aimer sans cesse
Afin que le soleil se lève sur nos pas

Perchés jusqu’au fond d’ min tchoeur

D’un coeup inattindu qu’éj porrouo nin morir

Comme un leu miserabe à vouloer em vinjeu

J’ sus au tornant d’em vie pi feudra bien coésir

J’ resté leu sans boujeu pi  sans forches

Des coups à s’ laicheu alleu pi morir

Dire equ j’avouos quasimint gagné sin tchoeur

Oh mon Diu, d’où qu’ej sus !

Ch’est min pére qu’a rchu ch’ l’affront

Pi ch’est l’ pére ed Chiméne qui l’a donnè

A berloque din m’ caouette

D’un côté, ch’est l’honneur, pi d’ l’eute, ch’est l’amour

I feut venjeu sin pére ou perde em dulchinée

J’y donne min tchoeur ou j’ n’ertiens pu min breu

Ej nin su réduit à coésir intre Chiméne

Ou bien sout’nir min pére

Quoi qu’ej foèche, ej sus pérdu

Oh mon Diu, d’où qu’ej sus !

Feut ti rchuvoér un affront sans rien foaire ?

Feut ti condamneu l’ pére ed Chiméne ?

Don Diégue, Chiméne, gloère, amour,

Min tchoeur tiraillè, un cmin moétrieux

Vive sans plaisir ou vive din la honte

D’un cotè, paure martyr, pi d’ l’eute déshonorè

Em vie aveuc ti alle étouo pleine d’espoér

Amoureuse pi généreuse

Digne enn’mi d’ min pu grand bonheur

Fér qui causes min malheur

Es tu leu pour vinjeu m’ n’honneur ?

Es tu leu pour qu’ej perdé em Chiméne ?

I veut miux qu’ej meurche

Ej douos  autant à m’ dulchinée qu’à min pére

J’atrive in m’ vinjant s’ furie, pi s’ colére

J’atrive sin dédain si j’é n’ foais rien

J’ene vois méme point inne pieute lueur d’espoér,

Qui porrouo m’ rapprocheu d’élle,

Pu qu’ej trache à djérir, pu qu’ j’ai du meu,

Pu qu’ej m’infonce din chés ténébes.

Allons Rodrigue, t’as coési d’ morir,

Alors meurs au moins sans offinseu Chiméne

Morir sans raisonneu

Tracheu à morir in pleine gloére

M’erprochra t’on  d’éne point avoér soutenu

L’honneur ed no famille

Respecteu Chimène

Ed tout sins, j’ l’ai perdue

Feut arreteu d’ pinseu, pi d’ raviseu

A n’ sert qu’à m’ foaire du meu,

Achteur, i feut sauveu m’ n’honneur

Pi qu’apreu toute, i feut perde Chiméne 

J’em sus un momint égaré

Ej douo tout à min pére edvant m’ dulchinée

Qu’ej meurche in m’ battant ou qu’ej meurche ed chagrin

Ej rindrai min sang pur comm’ ej l’ai rchu

I m’ sanne qu’ej su déjeu trop négligint

Courrons nous vanjeu

Ej sus honteux d’avoér tant tatonneu

Finichons d’ nous lapideu

Innui, ch’est min pére qu’est offinsé

Quanq l’offinseur, ch’est l’ pére ed Chiméne.      

Percé jusques au fond du cœur 

D’une atteinte imprévue aussi bien que mortelle, 

Misérable vengeur d’une juste querelle, 

Et malheureux objet d’une injuste rigueur, 

Je demeure immobile, et mon âme abattue         5

    Cède au coup qui me tue. 

  Si près de voir mon feu récompensé, 

    O Dieu! l’étrange peine! 

  En cet affront mon père est l’offensé, 

  Et l’offenseur le père de Chimène!         10

    Que je sens de rudes combats! 

Contre mon propre honneur mon amour s’intéresse: 

Il faut venger un père, et perdre une maîtresse; 

L’un m’anime le cœur, l’autre retient mon bras. 

Réduit au triste choix, ou de trahir ma flamme,         15

    Ou de vivre en infâme, 

  Des deux côtés mon mal est infini. 

    O Dieu! l’étrange peine! 

  Faut-il laisser un affront impuni? 

  Faut-il punir le père de Chimène?         20

    Père, maîtresse, honneur, amour, 

Noble et dure contrainte, aimable tyrannie, 

Tous mes plaisirs sont morts, ou ma gloire ternie: 

L’un me rend malheureux, l’autre indigne du jour. 

Cher et cruel espoir d’une âme généreuse,         25

    Mais ensemble amoureuse, 

  Digne ennemi de mon plus grand bonheur, 

    Fer, qui causes ma peine, 

  M’es-tu donné pour venger mon honneur? 

  M’es-tu donné pour perdre ma Chimène?         30

    Il vaut mieux courir au trépas; 

Je dois à ma maîtresse aussi bien qu’à mon père: 

J’attire en me vengeant sa haine et sa colère, 

J’attire ses mépris en ne me vengeant pas. 

A mon plus doux espoir l’un me rend infidèle,         35

    Et l’autre indigne d’elle; 

  Mon mal augmente à le vouloir guérir, 

    Tout redouble ma peine: 

  Allons, mon âme, et puisqu’il faut mourir, 

  Mourons du moins sans offenser Chimène.         40

    Mourir sans tirer ma raison! 

Rechercher un trépas si mortel à ma gloire! 

Endurer que l’Espagne impute à ma mémoire 

D’avoir mal soutenu l’honneur de ma maison! 

Respecter un amour dont mon âme égarée         45

    Voit la perte assurée! 

  N’écoutons plus ce penser suborneur 

    Qui ne sert qu’à ma peine: 

  Allons, mon bras, sauvons du moins l’honneur, 

  Puisqu’après tout il faut perdre Chimène.         50

    Oui, mon esprit s’était déçu: 

Je dois tout à mon père avant qu’à ma maîtresse; 

Que je meure au combat, ou meure de tristesse, 

Je rendrai mon sang pur, comme je l’ai reçu. 

Je m’accuse déjà de trop de négligence.         55

    Courons à la vengeance, 

  Et, tout honteux d’avoir tant balancé, 

    Ne soyons plus en peine, 

  Puisqu’aujourd’hui mon père est offensé, 

  Si l’offenseur est père de Chimène! 

Éch poéyi 

Éch poéyi qu’i m’o prins

Aveuc és brinche d’écrire din m’pieu 

Conme oz intaille éne plate éd héte 

Aveuc l’aleumelle d’un coutieu.  

Éch poéyi qu’i m’o prins 

Travér ses zius, tous ses zius 

Il o milè d’un fu d’images 

D’un fu d’rétoérs et pi d’bleuses-vues. 

Éch poéyi qu’i m’o prins 

I m’o tirè mes érelles 

Éj m’ai incrintchè à ses ailes 

Pi j’m’ai tchittè voler din ch’temps.  

Éch poéyi qu’i m’o prins 

Aveuc ses gambes, long d’éne atlèe.

 I m’ont foait m’inratcher, 

J’n’ai point seu mé nin déchper.  

Éch poéyi qu’i m’o prins 

Pér és main pour ém n’aller, 

I m’o sarrè, i m’o étrannè 

J’n’ai poé peu mé nn’écaper. 

Éch poéyi qu’i m’o prins 

Aveuc sin tchœur qu’il o butchè, 

Qu’il o chambutchè din m’poétrinne, 

À m’in déhotcher mn’haleinne.  

Éch poéyi qu’i m’o prins 

Tout duchmint i m’o seurprins. 

Ch’est li qu’i m’o aflatè, 

Achteure éj nin sus fin matchè. 

Éch poéyi qu’i m’o prins 

Aveuc és brinche d’écrire din m’pieu 

Conme oz intaille éne plate éd héte 

Aveuc l’aleumelle d’un coutieu.

Jean-Luc Vigneux (Abbeville) 

(proposition de traduction par l’auteur)

Le pays... 

Le pays qui m’a saisi 

Par ses yeux, tous ses yeux 

Il a étincelé d’un feu d’images 

D’un feu de portraits et de mirages. 

Le pays qui m’a pris 

Il m’a tiré les oreilles 

Je me suis raccroché à ses ailes 

Et je me suis envolé dans le ciel. 

Le pays qui m’a saisi 

Avec ses jambes, tout un après-midi. 

Elles m’ont amené à m’embourber, 

Je n’ai pas su m’en extirper. 

Le pays qui m’a pris 

Par la main pour m’en aller, 

Il m’a serré, il m’a étranglé 

Je n’ai pas pu m’en échapper.   

Le pays qui m’a saisi 

Avec son cœur qui a battu, 

Qui a frappé fort dans ma poitrine,

À m’en faire perdre haleine. 

Le pays qui m’a saisi 

Sans contrainte il m’a surpris. 

C’est lui qui m’a caressé,

 Désormais j’en suis résolument épris. 

Le pays qui m’a saisi 

Avec son envie folle d’écrire dans ma peau, 

Comme on  grave l’écorce d’un hêtre 

Avec la lame d’un couteau.

Trois auteurs picardisants ont leur buste dans leur village:

• Emmanuel Bourgeois: (1826-1877) à Vers-sur-Selle (oeuvre de Pierre Bazin)
• Hector Crinon (1807-1870 à Vraignes-en-Vermandois (oeuvre de Pierre Bazin)
• Henry Carnoy (1861-1930) à Warloy-Baillon (oeuvre de Louis Leygue)

 La langue picarde fait aujourd’hui partie de notre patrimoine et c’est à ce titre que nous avons créé cette petite rubrique. Si le « Picard » n’est plus beaucoup parlé à l’est du département de la Somme, il est encore une langue vivante dans le Vimeu, dans le Ponthieu et un peu dans l’Amiénois.

Trois mois après son décès brutal sur la voie publique, dans le pays où il avait vécu à Feuquières, j'ai beaucoup de mal à évoquer sa mémoire.

Manu, c'était un homme de théâtre, un artiste, un compagnon, un ami, un camarade et aussi un neveu avec qui on aimait partager le verre de l'amitié, avec qui on refaisait le monde en français et en picard, avec qui on regardait l'avenir pour des projets sans cesse en évolution.

Le poème picard qui suit est un petit chef-d'œuvre, qui est une des facettes de son immense talent.

Ch’Lanchron n° 144 (juillet 2016) 

À NO PICARDIE…

No terre al o vu gigleu dol greuséle 

Du roaisin, du jus d’soldat, 

À chaque coup d’dint d’abeille 

À chaque pronnieu, à chaque éclat. 

Picardie ! 

No région ch’est l’fiértè d’ses poéisans, 

Leu rgard vif in vue du jour 

In rbéyant leus labours, 

L’odeur éd terre rimplichant leus veinnes, 

Leu bouque rimplie d’étoéles samariennes. 

Picardie ! 

Ch’marchand d’miraques il a passè 

  Pipons, pipeu !… Pipons, pipeu ! 

I ll’a satchè d’és manche éq l’invér ch’étouot l’indrouot, 

  Pipons, pipeu !… Pipons, pipeu ! 

I nos a cangè un nom pour… du vint. 

No lampe, i ll’o éteint. 

Mis à l’morgue no passè, nos gins… 

I nos a montrè toute pi sin contraire 

Au l’ombe éd sin révérbére.

Is ont volu chteu la Picardie à chés obliettes

Is ont tirè dsu l’cache-d’ieu d’chés toélettes, 

Is ont mis chés cabotans in rtraite, 

No parlage, noz histoére, noz appuie-téte. 

Ah ! is n’ont point tè alvès au bout d’chés téttes 

D’él poétrinne éd no Picardie… non ! 

Portant à l’occasion d’chés éléctions 

Tértous, tojours, is pérloai’t pour és foaire un nom. 

Patrimoéne historique bradè, blindjè 

Intérdit d’image, éd son, à tojours défunctè ?

Lafleur, Croédur, Florimond, Sandrine, déshéritès ! 

O foait ti eu à ses éfants ?… Pitiè ! 

Os sonme dévnus des Pierrot sans Colombine 

Du noéyeu sans bibine. 

Al étouot portant mignonneuse 

Vir un molé grassouilleuse 

Un molé frivale, un rien béchasse 

Pi dsu s’pieute frimasse

 Os vos souvneu… 

I y avouot des taques éd roussette 

Qu’a li donnouot l’air joviette…

                               No Picardie ! 

Innhui os ons un cœut din no gasiot 

In li adréchant troés quate mots. 

Aveuc Bertand, Marine, din leu belle auto décapotible 

Al o prins la tangible 

À cours éd sins, à ch’gout d’musi, 

Chés foaiseus d’supérflu is ont coési 

« Hauts de France »… Heuts d’France ! 

Dépitabe, non ? 

Él bourgeoésie os ll’ons connu 

Non, a n’nos pérlé pu. 

In attindant, probabe éq pour longtemps 

Os érons du cachin din nos zius. 

Al étouot portant mignonneuse

Vir un molé grassouilleuse 

Un molé frivale, un rien béchasse 

Pi dsu s’pieute frimasse 

Os vos souvneu ?…

I y avouot des taques éd roussette 

Qu’a li donnouot l’air joviette… 

No Picardie ! 

           Manu Guerville (80, Feutchére. Vimeu) 

— l’9 éd mars 2016 — 

Samarienne : qui habite la Somme – pipeu : croire naïvement – tétte : têton – bibine : bistouille – dépitabe : qui laisse dépité. 

• Chés mots qu’is suit’t is ont tè maginès pèr échl auteur pour foaire s’éjuer chés mots pi donner dol musique et pi un molé d’couleurs à sin rime libe : mignonneuse (rétuse), grassouilleuse (crassoulette), frivale (évaporèe), béchasse (amaniérèe), frimasse (brongne), roussette (brin d’judos), joviette (joéyeuse), décapotible (décapotable).

Voici quelques associations ayant des liens privilégiés avec "Richesses en Somme"  et qui font vivre le picard à travers notre département:  

  L'agence pour le Picard

 Tout ce qui se fait en "Picard" dans notre belle province,  toutes les manifestations que ce soient des conférences, des contes, des chansons, passent par l'agence pour le Picard. 

 Les Picardisants du Ponthieu et du Vimeu .La présidente: Edwige Fontaine. Les réunions ont lieu chaque mois, le 2° mercredi après-midi (14h30 à 17h) sauf en juillet et août, dans une salle réservée à

CM 17, 82 rue Saint-Gilles à Abbeville. Tous les amoureux de la langue picarde sont cordialement invités.

 Ch' Lanchron: le seul journal entièrement en picard qui affiche plus de trente ans d'existence. Un record !

Ch' Mariel ed Boves : assure avec son équipe la promotion de la langue picarde par l'écrit et l'oral, de la culture picarde dans son ensemble, et de la promotion des jeux ...

                         Cliquer sur les photos pour retourner sur la page des croix en tuf

Tous chés crouos qu'o z'alleu vir, ch'est des crouos in tuf. Ch' tuf, ch'est tout simplemint du merlon mais du merlon dur comm' do piérre. Onn'avons inviron inne pieute chinquantaine ed crouos din no bieu poéi du Vimeu. Ene tracheu point eute pert, i yé n'a qu'ichi, apert deux din ch' Ponthiu. Tout z'eutes i sont din no Vimeu: chonq à Moéyénnville, six à Teuffes, deux à Acheux, deux à Ercourt, rien qu'ichi, din quate pouéis, yé n'a quatore.

Fontaine-sur-Somme

EL CROUE D’ PIERRE

Est viux…gramint viux…

Chés cloques ed Viulaine,

Chés cloques ed Cocré,

Chés cloques ed Fontaine,

Qui sonn’ té par nuit,

Qui sonn’t à foaire peur,

Qui sonn’t épardues

Dins l’ nuit tout autour des grandes lueurs rouges

Des lueurs rouges qui mil’té dsus du sang ;

Des femmes’ té qui brait’t, pi des ziux d’éfants,

Des grands ziux d’éfants plein d’ peur pi tout blanc.

Rouges ed fu, des bros qui tchtt’t,

Noérs ed sang, des bros qui buct’t ;

Bros tordus s’erdréchant coére,

Des gueux affreux,

Des cris d’ bétail,

Ramonch’lès

Ebard’lès,

Etrognès,

Des corps tcheyant dsus des corps étertchis.

Est viux…gramint viux…

Pi vlo qu’un bieu jour arrive,

Inne bélle grosse pierre avec des gins autour

Tout duchmint, malaisè,

Avec gramint d’ paroles

Gramint d’arbayures, gramint d’ tâtons,

Gramint d’ conseils, gramint d’erprises,

Avec inne odeur d’éclats d’ cailleux bis,

Inne odeur ed sueur, inne odeur ed tchuir.

Vlo l’ piérre qu’al prind forme,

Vlo l’ piérre qu’à s’ardrèche

Vlo l’ piérre qu’al prind vie.

Alintour, des gins qui r’baitt’t ;

Des gins atimpis, des gins qui dvis’t,

Des gins qui donn’t té des conseils…

Des gins qui cmand’t,

Des gins qui ri’t, d’eutes in route à braire ,

Pi aussi, ch’est toujours comme au,

Quiques z’uns qui foait’té ch’ travail,

Ech dur travail ed drécher l’ piérre

El piérre in forme ed croué,

El croué d’ piérre.

           Extrait de :"Histoire de Fontaine-sur-Somme", éditée par le Syndicat d'initiative de Fontaine- 1972, écrit par Louis Wable en 1963. 

Hotchélu

Equ cha fuche un solé (comme ichi), des crouos d' Saint-André, des losanges, ed z'abes éd Vie, pi coère gramint dz'eutes, chés dessins qu'o voèt dins chés points du jour, in heut d' chés cartries, i n'ont point tè mis leu al lure-lure. Iz ont tè coésis pér éch quérpintieu, pér éch quéron, pér éch cinsier li-méme, o bien coére pér él mémoére éd chés gins pour qu'éch diabe i s'in voèche, pour cacheu chés ésprits, pour tchitteu du bonheur, épi étou pour foaire bieu.

In français, oz appélle chés dessins leu, des singnes "apotropaïques". Diu dé diu, qué nom du diabe ! !                                                 Jean-Luc Vigneux

                       Accueil > Textes d'auteurs traduits en picard >  Dictons picards